«PIK Astana Iýtarııa ltd» fabrıkasynyń toqyma sehy týdyrǵan beınege kásiporyn mamandary baqandaı eki kún jumsaǵan jáne bul tehnologııalyq jańǵyrýdyń arqasynda júzege asty», deıdi bul týraly habar taratqan Elorda Aqparat saıty.
Ozyq tehnologııa kómegimen jasalǵan portret avtorlarynyń biri – Anar Ábdiǵasenova elimizdiń eńbek naryǵynda sırek kezdesetin dessınator mamandyǵynyń ıesi. Bul degenińiz, ol toqyma dızaıneri, mata sýretshisi, toqyma qural-jabdyǵynyń baǵdarlamashysy jáne ınjenerlik sııaqty – tórt birdeı mashyqty qatar alyp júretin mamandyq.
Qazaq ulttyq óner ınstıtýtynda kıim dızaıny mamandyǵy boıynsha bilim alatyn Anar Ábdiǵasenova: «Bizge Túrkııa men Italııanyń mamandary kelip, sheberlik sabaqtaryn ótkizgen bolatyn. Osy dárister arqyly toqymany kompıýterde baǵdarlaýdy úırene bastadym. Is júzindegi mashyǵymdy osy fabrıkadaǵy qatelikterim men synaqtar arqyly jetildirip júrmin. Baǵdarlama da, toqyma mashınalary da japondardiki. Tolyq avtomattandyrylǵan mashınalarda maıda jáne iri toqyma túrlerin jasap shyǵarýǵa bolady. Buıymnyń qalyńdyǵy men kóleminen bastap, on shaqty ólshemdi kompıýterdiń ózi jasap bere alady. Jáne baǵdarlamaǵa tapsyrylǵan toqymada qandaı qatelikter ketýi múmkindigin mashınanyń ózi eskertip otyrady. Toqyma úlgileriniń barlyǵyn kompıýter jadynda saqtap, 100 jyldan keıin ony qaıta jasap shyǵara alasyń. Sondyqtan bizdiń qolymyzda qazir ǵajaıyp múmkindikter bar», deıdi bıyl dıplomy qolyna tıetin dessınator.
Al Dımashtyń beıneportretin jasaýǵa 250 túrli toqyma túri qoldanylǵan. Toqý barysynda eń bolmasa bir tordy nemese jiptiń bir túrin durys tańdamasań túk shyqpaıdy eken.
Al atalmysh fabrıkanyń adamdary epti dessınatorlardy tabý da, úıretý de ońaıǵa túspeıtinin, Anar ózderiniń oljasy ekendigin aıtady.
Aınash ESALI,
«Egemen Qazaqstan»
Sýretti túsirgen
Vasılıı KRAS
